Plantun de Prouvènço

Pèr coumpara dos planto d'encò nostre

Sicyos angulatus & Abies grandis

Sicyos angulatus

Cucurbitaceae

Nom en français : Concombre anguleux.

Descripcioun :
Aquesto planto, que nous vèn dis Americo de l'uba, s'atrovo au nostre, pèr lou moumen, soulamen dins la valado dóu Rose fin qu'à la mar. Trachis dins li fourèst de ribo d'aigo (ripisilvo) ounte, à la fin de l'estiéu, cuerb tout lou sòu coume un lincèu emé si gràndi fueio de 6 à 20 cm. Li flour masclo dounon d'èr à li de la briouino alor que li flour femello soun en group, mai pichoto (4 mm) e pu claro. Lou fru, en amelo, èi cubert d'espino.

Usanço :
Li fueio de treno-de-serp-queirado soun manjadisso cuecho coume de liume. Se dis que lou fru pòu èstre manja peréu. Li fueio soun estado utilisado en Americo pèr sougna li "mau di femo" (malautié veneriano).

Port : Liano
Taio : 2 à 10 m
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Sicyos
Famiho : Cucurbitaceae

Coulour de la flour : Verdo
Petalo : 5
Ø (o loungour) flour : 1 cm
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Remarco : Planto envahissènto

Liò : Ribiero - Escoumbre e proche dis oustau
Estànci : Termoumediterran à Mesoumediterran
Couroulougi : Óurigino Americo-Nord
Ref. sc. : Sicyos angulatus L., 1753

Sapin(-grandaras)

Abies grandis

Pinaceae

Àutri noum : Sap, Sapino, Sapi, Abet.

Noms en français : Sapin géant, Sapin de Vancouver.

Descripcioun :
Lou sapin-grandaras trachis naturalamen en Califournìo. En Franço es esta planta pèr lou rebouscage, mai n'i'a quàsi pas en Prouvènço. Sèmblo à nosto sapino, Abies alba, emé lis aguio dins lou meme plan, pamens li fueio soun mai longo (> 4 cm). N'i'a peréu de courteto. Li bourrroun soun resinous e li pigno soun à bratèio dedins. Coumpara emé lou sapin dóu nostre e emé la serento que li pigno pendoulon.

Usanço :
Dèu agué li mémis usanço que la sapino.